| Cynthia 的个人资料~小朋友~照片日志列表 |  工具  帮助 |
|
2月25日 A brand-new year ~3~繼續貼，繼續貼，啊！ 好多人話我次次寫嘢都寫到鬼死甘長，對於呢個，我嘅回應係：覺得太長搞到無心機睇曬去又或者有邊d唔想睇咪跳過唔睇咯我又無逼你哋要一字不漏睇曬去。 決定換一首歌，係下面提到嘅Mr.Children嘅しるし（印記）~~貼埋歌詞中文翻譯。
「しるし 」 Mr.Children
本來同阮商量好話搵間公司去實習，點知後尾又完全無咗嗰回事！於是放咗假就好自由覺得無聊就是但搵d嘢嚟做：試過連續三日足不出戶，將買咗好耐嘅陳魯豫新版心相約睇完仲有將上一季兩出down咗但係一直未睇嘅日劇搞掂埋去。《14才の母》有我都幾鈡意嘅志田未來，媽咪話佢俾起“女王的教室”嗰個時候又大個女咗喇。至於個男仔唔記得咗叫乜名不過就好似Rachel話齋都幾靚仔噶。十一集全部都係豬豬字幕組，越嚟越鈡意佢哋做嘅檔，個檔唔算大但係就好清，對於有d專用嘅名詞會解釋清楚，睇完搞明白咗日文入面“歳”同“才”意思上嘅細微差別，仲有主題曲係Mr. Children嘅《しるし》，しるし係“印記”嘅意思，真係好好聽好好聽（记得睇Music Station Super Live 2006，Mr. Children係最後一組壓軸出場，唱左呢首成7分鈡長嘅《しるし》一d都唔走音，勁啊！講翻場MS SP，真係好好睇，豬豬字幕，長達4小時10分，有43組藝人唱出06年最流行嘅歌，個檔成1.6G甘大，當時斷斷續續down咗我兩日時間不過都覺得無白費到！！係一份好好嘅音樂大餐，因爲最重要嘅係個個都係真唱唔咪嘴！）至於《たったひとつの恋》就梗係好睇啦，有种好sweet嘅感覺就連Rachel睇完第三集之後都感嘆一番````想搵翻個****係咪？加油啦！！仲有就係橫濱嘅夜景好靚。（聽講廣州第日都會起一個巨大摩天輪，你話會唔會有人哋嗰個甘靚靚呢？）。。。。。但係可能因爲之前儘管我講過好多次我未開始睇都仲有好多人同我討論劇情搞到我知道曬邊集有kiss邊集會點點點甘樣之後我再睇就一d新鮮感都無喇，算啦邊個叫出戯有Kame喔所以一定會去睇。 就甘樣，睇下日劇，溫下日文，睇下其他書，係屋企三日無出過門口。第三日晚上媽咪話你應該出去周圍行下搵人出去玩下唔好甘懶我話唔使我搵啦有人覺得無聊就會搵我噶喇。然後到咗第四日中午十二點幾Rachel打電話嚟去話你仲乜唔復短信我話手機擺埋咗聼唔到。拿住個電話傾到三點幾最後佢話不如去整嘢食咯？我話好啊放低電話然後去整面食。第二日佢將一堆TVXQ嘅視頻擺咗落我部電腦度（雖然我唔迷佢哋不過都覺得堆反轉劇好好笑），然後我哋去行街街。因爲又係行我呢邊所以我又無乜斬獲，唔係，都有嘅，買咗只好cutie嘅龜仔準備挂落手機度。Rachel就。。。最後喺K-2買咗兩條褲，好睇亦都好抵。 又有一日，去咗堂會，雖然好抵三個鈡先廿五蚊仲包埋自助餐，但係d所謂嘅自助餐真係無乜嘢食咯。有人遲到，搞到我陪埋佢一齊遲到`````唱舊歌因爲發覺d新歌好多連聼都未聼過。記得有一日睇一份地鐵免費派送嘅報紙娛樂版報道某香港樂壇頒獎典禮嘅情況，上面列舉咗獲獎嘅金曲，發現我淨係聼過兩首，《愛得太遲》同《富士山下》。其實都唔係話無聼香港d歌嘅譬如話千嬅只《Unlimited》我都有聼噶，林夕嘅詞真係填得好好。雖然唔係聼咗好多次但係有幾句我都記得噶````譬如話：我有爸妈掛念 事业还望发展 仍能活著 未曾靠诺言`````不過呢半年嚟粵語歌真係聼得好少而且越嚟越少，MP3入面大概放咗有兩百幾首歌其中有幾十只歌會擺落play list度不斷循環播放，而呢幾十只歌入面大部分都係J POP。唔可以講香港樂壇已經無曬唱得之人，亦都唔係無曬有才華嘅音樂人，但係點解香港嘅唱片業仲係甘唔景氣呢？每次諗起好好嘅一首《PRECIOUS ONE》俾Sun boys翻唱到甘無水準就覺得好激氣！唉~~~都未去深究版權問題喇。。。。。。所以《3+1=1》就無乜必要聼喇，要聼就去聼original嘅《PRECIOUS ONE》啦。
To be continued…… 2月17日 A brand-new year??? ~2~今日系年三十，先同大家拜个早年：猪年快乐！！！新一年心想事成！！！
然后接住上次篇野继续贴：
唔知邊個講過：頻繁的月考就像是翻來覆去的死。但係點解而加唔會再有頻繁嘅月考我仲係覺得考試一嚟到都會想死呢？講真啦，呢個學期輔修有科日文通選3科正選課考試得6科真係有史以嚟最少噶喇但係仲係會覺得唔夠時間睇書復習。其實我都知道自己真係懶咗d咯，冬天凍冰冰成個人都無乜精神甘，所以邊有心機溫書喔。 New year過後4號返到學校首先中午有一個oral test，draw lots之後拿到topic準備咗兩分鐘之後坐喺teacher前面講咗可能都無兩三分鐘然後佢話ok stop here, fine就搞掂咗喇。下午去上埋今個學期最後一節日文課然後晚上考試。好彩無聽力如果唔係就死咗喇，日文聽力真係好難。記得嗰晚好慘，感冒得好犀利，考之前食咗粒百服寧希望快d考完返去沖個熱水涼點知宿舍個熱水表偏偏喺呢個時候坏咗。。。 然後等咗5日之後第一科開考。例牌係英文打頭陣，通常都係兩科英文6個學分一場考試搞掂。一般考英文係無乜壓力嘅，考試之前只要搵少少時間睇下本書入面嘅單詞大概有些小印象甘就ok噶喇因爲佢會考少少課本單詞但係其實通常考英文之前溫同唔溫係無乜區別嘅。首先好似CET-4甘寫篇作文然後做4篇新聞聽力（具體d講就係嗰种喺CNN啊CBS啊之類嘅剪一段落嚟整成音頻播俾我哋聼然後會有Fill in the blanks, True or False同埋Multiple choices俾我哋做，d題會出得好奸詐效果差有雜音稍微開下小差就弊噶喇）。做完聽力之後仲有什麽仔細閲讀啊快速閲讀啊選詞填空啊甘，雖然題都幾多但係通常時間都好足夠嘅。嗯，同大家介紹咗一下我哋嘅英文考試，不過英文呢科考試唔係佔好多比例，最後嘅成績仲要計埋平時嘅homework啊quiz啊presentation嘅performance啊仲有oral test。 講到物流就覺得好氣憤，本身要我哋學就已經好唔理解，成個學期都無點聼過課因爲真係聼唔明，考試嗰時又發覺我哋再一次被老師欺騙了~~~唔好俾我以後再見到你啊！！！ 就甘俾考試折磨咗十幾日，每日都係宿舍飯堂二點一線，無去圖書館因爲聽講話多人到爆無位喔。直到17號下午考完最後一科會計，但係一d興奮嘅感覺都無，淨係覺得好攰。
終于都放假了。17號下午開完個會返宿舍執嘢，然後嗰晚返到屋企已經八點半，媽咪已經準備好晚飯等我返嚟先食，喺嗰一刻我明白乜嘢叫做感動。數下日子，從12月17號到1月17號，成個月我只有元旦嗰3日留過喺屋企。始終，屋企先至係令你覺得最溫暖嘅地方。食完飯沖完涼不知不覺已經好夜，電視播緊勁歌，Eason唱緊歌，然後阿媽突然間話：我記得喇！就係佢喇！我話乜嘢係佢啊？？然後阿媽解釋咗一輪我終于明佢講乜。話説上次“十一”我哋落香港，有日下午行海港城嘅時候塔扶手電梯見到某男藝人迎面而過，準確d講係得我媽咪同小姨見到然後就話“佢咪係阿邊個咯”（竟然連人哋個名都一時記唔起），然後人哋仲好有禮貌甘點咗下頭，當時我睇緊其他嘢無注意到等回過神嚟再回頭望淨係見到個背影——黑色外套，揹住個袋，覺得可能係無綫某演員，唔出奇啦落香港經常撞到呢d人。隔咗甘耐之後，阿媽終于可以話翻我知嗰日見到嗰個係Eason。然後我就話佢你當時點可以連人哋個名都唔記得噶？過咗一陣，佢再一次好認真甘同我講：無錯喇，真係佢啊！好似覺得我仲係唔相信甘。 放咗假嘅第一日去睇咗《傷城》。單係眼神就殺死人嘅梁朝偉加上越嚟越型嘅金城武同埋徐靜蕾仲有超級大配角舒琪。好彩仲趕得切因爲遲幾日就發覺已經落咗畫。出戯真係唔錯咯，仲未睇嘅應該去買翻張碟睇下。睇戯之前順便去睇下碟价，行入卓興一眼就見到左邊個counter位後面墻上面貼咗好多J傢嘅shop照仲有只《青春アミーゴ》擺咗喺好搶眼嘅位置。然後發短信同Rachel講《僕らの街で》嘅初回賣160，覺得都係買通常盤好d因爲初回無咗首《Le ciel ～君の幸せ祈る言葉～》。睇完戯去咗大家樂間Café飲下午茶，嗰度嘅下午茶餐唔錯可以去試下。
To be continued…… 2月12日 A brand-new year???好似真係好耐無更新。其實一直都有寫嘢只係無擺上嚟。大概有五千多字，以後悔陸續擺上嚟，放心啦，唔會停低唔寫，只係有時候會比較懶。
2007年到來嘅時候我已經喺睡夢之中了，嗰晚實在係太攰喇無辦法撐到倒數之後。 估唔到轉眼間已經二月份了，點都要感嘆一下”Time really flies”~~~~~ 2007年嘅第一日天氣好好，喺淘金間pizza hut見咗筱慧同銀。因爲真係好耐好耐無見，所以之前一直擔心見到之後會有一種好陌生嘅感覺甘就會搞到好尷尬。但係後來發覺我嘅擔心係多餘嘅。坐低之後，點咗意粉無食pizza，然後就開始狂傾，感覺又好似返翻去高一甘。叫waitress加咗n次水，坐咗4個鈡，旁邊張台已經換咗n對情侶，最後決定要埋單係因爲唔想俾人哋以爲我哋賴死唔想走。出到去個十字路口嗰度又等咗n個紅綠燈先依依不捨甘抱抱然後講bye bye。新嘅一年就係甘開始嘅，溫暖而幸福。 不過，縂係會覺得有些小遺憾，因爲見唔到Iris，仲有詩雯，講落又真係都有一排無見過喇，挂住你哋，四人嘅聚會唯有等到暑假喇。有時候會喺度幻想一下，如果5年前Iris無去英國，甘我哋四個人嘅生活會變成點呢？譬如話，時光倒轉返翻去五年前，一齊考翻執信，雖然被分喺唔同嘅班，但係中午仲係會四個約埋一齊食飯，一邊食一邊講上午發生嘅有趣嘅事又或者喺八卦一下某d無聊嘢，放學之後同Iris一齊走經過學校門口嗰間珍珠奶茶店一人買杯茉莉味嘅珍珠奶茶然後行去犀牛路口個bus站等車。。。嗯，以上純屬幻想一下，雖然係幻想，但係唔知點解覺得好真實，可能係因爲呢d就係我哋四個曾經嘅生活。 大傢嘅生活開始變得越嚟越忙，各自都為自己嘅事情奔波，漸漸發覺可以四個人都得閑坐低落嚟好好甘食餐飯傾下計嘅機會真係越嚟越少喇，所以一直都好珍惜，好珍惜同好朋友一起嘅時間，因爲有時覺得真係好唔容易，有幾個啱傾嘅朋友更加唔容易。可能會覺得我講得太嚴重喇，但係，呢d都係我嘅心底話。ZXH喺一封信入面講過：“時間一直在很努力地做一樣事情，挑戰人與人之間的感情。我一直在想终有一天它会成功的是吧？”一直都好記得呢句話因爲我都覺得如果真係到咗嗰一日甘一定會好可怕。一直相信人與人之間嘅感情係需要去維繫噶，呢种維繫喺日文有歌詞叫做“絆（KIZUNA）”，無錯喇又諗起Kame首《絆》，歌詞喺我之前寫嘅某篇嘢嗰度可以搵到，首歌只要search一下都可以搵到，有興趣可以去聼一下，可以順便聼埋首《青春アミーゴ》同埋《カラフル》，呢只碟賣咗一百五十幾万張~~讚啊！ 似乎講下講下又離咗題，唔緊要啦，本身就係諗到乜就寫乜都無乜主題嘅。。。。。。
To be continued…… |
|
|
